Klei kƀĭn anei mơ̆ng Anôk bruă kđăm mkra hdruôm hră ala čar Klei sĭt bi mguôp hŏng anôk bruă mtô hriăm bruă klei mrâo leh anăn hâo hưn mkŏ mjing. Hlăm klei kƀĭn, phung bi ala brei thâo, truh kơ ară anei, kluôm ala mâo 815 anôk bruă klei mrâo, 57 sang kđăm mkra hdruôm hră hŏng dŭm pluh êbâo čô ngă bruă klei mrâo.

Dŭm anôk bruă anăn amâo mâo mdei đĭ kyar, thâo klă hdră đĭ kyar hlăm tar rŏng lăn, mâo lu klei čih mâo hnơ̆ng tŭ jăk, djăp ênŭm hlăm klei hdĭp yang ƀuôn, đru mguôp hlăm dŭm boh tŭ yuôm bhăn, mâo boh tŭ hƀuê ênuk kơ ala čar. Khădah sơnăn, mkă hŏng klei đĭ kyar ala čar, bruă klam mơ̆ng bruă klei mrâo, kđăm mkra hdruôm hră hlăm bruă răng mgang tur knơ̆ng klei mĭn mơ̆ng Đảng, bi kdơ̆ng hŏng dŭm klei mĭn soh čhuai ăt dôk mâo lu klei êdu awăt, čiăng mâo dŭm klei mlih mrâo, bi klă hdră tă, hdră êlan mrâo. Hluê anăn dưi bi lar bruă klam, ai ktang pô hlăm bruă tă êlan kơ ƀĭng dlăng, ngă pô klei hdĭp, dưi gĭt gai klei mĭn, răng mgang kjăp tur knơ̆ng klei mĭn mơ̆ng Đảng, bi kdơ̆ng hŏng dŭm klei mĭn soh čhuai.