Hlăm 3 hrue hŏng anei, mơ̆ng hrue 1 – 4/11, ti kdriêk Kon Plong, čar Kontum, Dhar bruă ala čar mdrơ̆ng hŏng klei yan adiê ngă mkŏ mjing klei bi kƀĭn hriăm mjuăt, mđĭ klei thâo kơ bruă hŏng knuă druh ngă bruă anei, lehanăn êpul ba anăp mdrơ̆ng hŏng klei yan adiê ngă ti gưl să. Jih jang phung hriăm mâo mjuăt kơ dŭm bruă knơ̆ng kơ “Hră mơar mjuăt bi hriăm êpul ba anăp mdrơ̆ng hŏng klei yan adiê ngă ti gưl să”.

Wưng anei phung thơ̆ng kơ bruă hlak mblang, lehanăn mâo dŭm hdră čiăng kơ bră sang čư̆ êa, êpul bruă djŏ tuôm čŏng mâo dŭm hdră mdrơ̆ng hŏng klei mgei lăn hlăm alŭ wăl. Wưng anei, Êpul khua kiă kriê bruă ala čar mdrơ̆ng hŏng klei yan adiê ngă mđup brei leh dŭm mta mnơ̆ng pioh kơ êpul ba anăp ngă bruă ti dŭm čar: Kontum; Gialai; Daklak; Daknông; Lâm Đồng lehanăn Quảng Nam./.