Mmăt mbruê, ti Wăl tač prŏng Lâm Viên, ƀuôn prŏng Đà Lạt, bruă Đoàn êdam êra Cộng sản Hồ Chí Minh gưl dlông bi hgŭm hŏng bruă Đảng čar, Anôk bruă sang čư̆ êa čar Lâm Đồng mkŏ mjing Knăm jao klei pah mni Lương Đìng Của tal 17 lehanăn klei pah mni mơ̆ng Klei bi lông mphŭn čô̆ kơ bruă mơ̆ng phung êdam êra krĭng ƀuôn sang thŭn 2022. Leh 17 thŭn mkŏ mjing, Klei bi pah mni Lương Đình Của bi mni leh 2.050 mnuih ngă lŏ hma mbruă. Thŭn anei, klei pah mni dưi jao kơ 32 čô êdam êra kdlưn hĭn hŏng klei gĭr ktưn kpưn đĭ kơ mdrŏng lehanăn mâo boh tŭ dưn hĭn hlăm kluôm ala.

Hlăm phung êdam êra mâo mă klei pah mni Lương Đình Của thŭn 2022, lu êdam êra mâo ênoh hrui wĭt êbeh 30 êklai prăk lehanăn mâo pô truh 706 êklai prăk, prăk mnga dŭm êklai hlăm grăp thŭn. Boh nik, lu êdam êra mnuih djuê ƀiă ti krĭng dleh dlan ƀiădah hŏng klei gĭr ktưn đĭ jing leh pô mdrŏng prăk êklai. Anei jing  pô phŭn hlăm hdră bi lông ktưn duh mkra, mnia mblei mbruă, phung êdam êra hgŭm kngan mkŏ mkra krĭng ƀuôn sang mrâo ti alŭ wăl./.