Lŏ dŏng hdră nao čhưn klă sĭt Việt Nam, mmăt mbruê 1/11, anak êkei mtao lŏ čuê Denmark Phrê-đơ-rích leh anăn mô̆ ñu Me-ri Ê-li-da-bét nao hlăm knăm bi hdơr 50b thŭn mkŏ mjing klei bi hgŭm Việt Nam - Denmark. Nao hlăm knăm anei mâo K’iăng Khua lăn čar Võ Thị Ánh Xuân hŏng pô bi ala dŭm Phŭn, dhar bruă, alŭ wăl leh anăn anôk bruă duh mkra dua tĭng. K’iăng Khua lăn čar Võ Thị Ánh Xuân lač klă, Việt Nam leh anăn Denmark klă sĭt mkŏ mjing klei bi hgŭm hlăm thŭn 1971.

Yap mơ̆ng anăn, Denmark jing sa hlăm phung đru dua nah yuôm bhăn hĭn mơ̆ng Việt Nam, đru mguôp jăk hlăm hdră mđĭ kyar bruă duh mkra- ala ƀuôn tŭ jing mơ̆ng Việt Nam msĕ si ară anei.  Êgao 50 thŭn mđĭ kyar, klei bi hgŭm dua ala čar bi mlih mơ̆ng klei bi hgŭm mđĭ kyar djuê ana jing klei bi hgŭm mtăp mđơr, hdơ̆ng mâo klei tŭ dưn leh anăn mkŏ mjing leh klei bi hgŭm kluôm hlăm thŭn 2013. Hlue si anak êkei mtao, Denmark dôk jing ƀĭng hgŭm bruă mnia blei - duh bi liê yuôm bhăn mơ̆ng Việt Nam leh anăn srăng lŏ dơ̆ng hrăm mbĭt hŏng klei tŭ dưn, đăo knang hŏng Việt Nam hlăm bruă bi hgŭm kơ wăl hdĭp mda, lŏ hma, mdrao mgŭn leh anăn sang hră./.