Aguah mbruê ti ƀuôn prŏng phŭn Vientiane (Lào), phŭn bruă lĭng kahan, phŭn bruă tuh tia Lào mkŏ mjing leh Knăm mnia mblei, rang mdah Việt Nam – Lào hŏng akŏ “Tŭ drông thŭn bi mguôp, bi hgŭm Việt Nam – Lào 2022”. Nal hlăm knăm anei mâo hlăm brô 120 anôk čhĭ mnơ̆ng dhơ̆ng mơ̆ng giăm 90 anôk bruă, knơ̆ng bruă mơ̆ng Việt Nam, hlăm anăn mâo hlăm brô 30 knơ̆ng bruă lĭng kahan.

Mbĭt anăn jing 30 anôk čhĭ mnia mnơ̆ng dhơ̆ng mơ̆ng dŭm knơ̆ng bruă Lào leh anăn đa đa knơ̆ng bruă mơ̆ng ala tač êngao.

Knăm mnia mblei anei jing sa hlăm dŭm bruă kđi čar – yang ƀuôn mâo hnơ̆ng prŏng tŭ drông thŭn bi mguôp, bi hgŭm Việt Nam – Lào 2022, ăt jing wưng čiăng kơ dŭm knơ̆ng bruă Việt Nam, hlăm anăn mâo dŭm knơ̆ng bruă lĭng kahan Việt Nam mâo thiăm klei găl mjĕ êrô, bi trông, tui duah ƀĭng hgŭm, pŏk phai klei mnia mblei hŏng dŭm knơ̆ng bruă Lào, knơ̆ng bruă lĭng kahan Lào leh anăn knơ̆ng bruă mơ̆ng dŭm ala čar ASEAN.