Hdră bruă sơ wil êpul B, mâo ênoh bi liê 147 êklai prăk hŏng hnơ̆ng 60 jhưng đih mdrao, bi knar hŏng sang êa drao prŏng mrô III, mâo kdrăp mrâo mrang, mkăp hdră bruă mdrao mgŭn hnơ̆ng jăk, ngă djŏ klei čiăng ksiêm mkă mdrao mgŭn ƀrư̆ hruê ƀrư̆ lu kơ mnuih ƀuôn sang, lĭng kahan, tue. hiu čhưn. Hlăm knăm mphŭn ba yua kdrŭn hô̆ pui drông tuê Côn Đảo, Khua lăn čar Võ Văn Thưởng nao leh anăn khăt mnal mphŭn ba yua.

Hdră bruă yuôm bhăn hlăm hdră mđĭ kyar klei dŭ mdiăng tue, rơ̆ng êđăp ênang ala čar, boh nik đru mguôp hlue ngă hdră kñăm mkŏ mjing Côn Đảo jing Wăl hiu čhưn ênguê hlăm êa ksĭ plao ksĭ leh anăn dhar kreh - hƀuê ênuk jăk siam ti krĭng wăl leh anăn lu ala čar. Kdrŭn ksĭ mphŭn ngă bruă  bi hrŏ êlan giăm 15 km mơ̆ng kdrŭn ksĭ Bến Đầm wĭt kơ wăl krah Côn Đảo./.