Hdră "Bi h’ĭt ênoh čhĭ mnơ̆ng êlâo, hlăm lehanăn êdei kơ Têt Nguyên đán Quý Mão 2023" mâo leh Anôk bruă sang čư̆ êa čar Kon Tum pŏk ngă, mâo 2 êpul hgŭm hluê ngă, anăn jing Siêu thị Co.op Mart lehanăn Siêu thị Win Mart. Dua êpul anei srăng mkăp mnơ̆ng ƀơ̆ng huă, mnơ̆ng mtah lehanăn mnơ̆ng leh mkra mjing truh 53 êklai prăk. Phŭn mkăp mâo anôk bruă anei rơ̆ng kjăp.

Kñăm mjing klei găl kơ mnuih ƀuôn sang blei mprăp mnơ̆ng êlâo, hlăm lehanăn êdei kơ Têt Nguyên đán Quý Mão 2023, ti ƀuôn prŏng Kon Tum, 2 êpul anei srăng nao hgŭm hlăm Hdră bi hơĭt ênoh čhĭ ti 2 anôk čhĭ mnơ̆ng mơ̆ng anôk bruă. Êngao anăn, 2 anôk bruă anei ăt mkŏ mjing hdră čhĭ mnơ̆ng hŏng êdeh ti 2 să krĭng mnuih djuê ƀiă dleh dlan ti Kon Tum mâo: Să Đăk Sao, kdriêk Tu Mơ Rông lehanăn să Mường Hoong, kdriêk Đăk Glei.