Nao hlăm klei bi kƀĭn mâo phung bi ala mơ̆ng Anôk bruă gĭt gai êpul kahan 5, khua gĭt gai čar Kon Tum dŭm ênuk, phung lĭng kahan jhŏng ktang yang ƀuôn leh anăn 185 čô bi ala jing phung knuă druh gưl dlông lĭng kahan mdei jih thŭn mă bruă.

Hlăm mmông bi tuôm, phung bi ala hrăm mbĭt dlăng Hdră kdŏ mmuñ hŏng akŏ “80 thŭn kwang nanao asăp mmuñ phung lĭng kahan”, lŏ bi hdơr knhuah gru bi mlă klei tŭ, klei dưi mơ̆ng Êpul lĭng kahan yang ƀuôn Việt Nam hlăm 80 thŭn êgao, đru răng mgang kjăp klei êngiê, klei dưi, hlur lir, kluôm ênŭm lăn ala čar kwar, răng mgang klei tŭ ala čar, djuê ana; răng mgang Đảng, Knŭk kna, Mnuih ƀuôn sang leh anăn klei dưi yang ƀuôn ngă phŭn; krơ̆ng kjăp klei êđăp ênang kđi čar, klei êđăp ênang čiăng mkŏ mjing leh anăn mđĭ kyar lăn čar.