Thŭn 2022 klei đĭ kyar ti čar Kontum knŏng 9,5% mkă hŏng thŭn 2021. Tĭng hŏng grăp čô mnuih giăm 47 êklăk prăk truh êbeh 52 êklăk prăk. Mâo ba wĭt kơ knŭk kna truh 4 êbâo êklai prăk, djăp 100% ênoh kčah jao. Hlăm thŭn čar Kontum mâo leh truh 19 mta bruă mâo duh bi liê hŏng ênoh prăk tui si hră mơar jing hlăm brô 1 êbâo 600 êklai prăk.

Mbĭt hŏng boh tŭ dưn leh mâo, knŏng 4 mta čuăn yuôm bhăn čar Kontum amâo mâo dưi bi leh ôh jing: Klei đĭkyar amâo mâo djăp ôh hŏng ênoh kčah mơ̆ng 10% kơ dlông, klei bi liê ngă prăk kơ alŭ wăl, kơ bruă mkŏ mkra krĭng ƀuôn sang mrâo ăt kăn djăp...

Mbĭt hŏn anăn klei bi mlih hdră êlan ngă bruă, bi mlih klei duh bi liê, mđĭ ai bi ktưn mơ̆ng čar ka ƀuh klei bi mlih nik ôh. Bruă čiu hnô, ruh mgaih anôk ala kơ dŭm bruă rŭ mkra prŏng dôk êmưt... Dơ̆ng mơ̆ng phŭn pŏk klei bi kƀĭn mtam, Dương Văn Trang, khua Êpul Gơ̆ng bruă ƀuôn sang čar Kontum mtă kơ phung bi ala lŏ dơ̆ng ngă bi mngač djăp mta bruă dôk awăt êdu, duah hdră mghaih msir bi jăk hlăm thŭn 2023./.