Dôk dlăng êa đoh êtăng, Rơ Lah Lem ti să Čư̆ Rčăm, kdriêk Krông Pa sur êwa prŏng ênguôt hnĭng: 1 ha lăn mơ̆ng gŏ sang hŏng hlăm brô 100 ha lăn mnuih ƀuôn ƀuôn H’Lang êa krông Pa đoh lip jih: “Êlâo dih, 1ha pô hrui mâo mơ̆ng 5 truh 6 ton. Lăn ară anei klưh hroh jih, lăn đung. Dŭm boh sang tinei đuê̆ leh, si dưi amâo đuĕ, anôk anei dơ̆ng klưh jih leh. Phung tinei đuê̆ jih leh.”

Hà Văn Đường, Khua Knơ̆ng bruă sang čư̆ êa să Čư̆ Rčăm brei thâo, êngao kơ 100 ha lăn pla mjing mnuih ƀuôn sang ti ƀuôn H’Lang luič jih, boh klei klưh roh lăn krông Pa ăt dôk arưp kơ klei hdĭp êbeh 100 gŏ êsei mnuih ƀuôn sang tinei. Kban Lệ Bắc, mkŏ 2 să Čư̆ Rcăm leh anăn Ia Rsươm klưh hroh giăm truh akŏ kban 2 nah hang.

Kñăm rơ̆ng êđăp ênang kơ mnuih ƀuôn sang, knhal jih thŭn 2020, Knơ̆ng bruă sang čư̆ êa kdriêk Krông Pa bi mklă hdră bruă duh bi liê rŭ mdơ̆ng, hơĭt klei hdĭp mnuih ƀuôn sang ti ƀuôn H’Lang, ênhă giăm 7 ha čiăng mbĕ đuê̆ êbeh 102 gŏ êsei mnuih ƀuôn sang Jrai hlăm krĭng mâo klei hŭi klưh hroh lăn. Knơ̆ng bruă sang čư̆ êa să Čư̆ Rčăm ăt mâo klei akâo kơ kdriêk duah hdră msir mkăp lăn pla mjing kơ mnuih ƀuôn sang djuê ƀiă klưh hroh jih leh lăn “Ară anei, ñu jing ênoh phŭn mơ̆ng Krông Pa anăn ñu bi rai krĭng anăn. Nah anei, ñu bi rai hlăm wăl msat leh anăn wăl mnuih ƀuôn sang dôk anăn brei mbĕ đuê̆. Ñu hmăi prŏng snăk, jing luič mang ênhă anăn kơ dŭm gŏ sang giăm hang krông. Klei dleh dlan hĭn jing lăn mkra mjing ti să Čư̆ Rčăm amâo lu ôh, ară anei brei lŏ mkra mlih lăn bi hrŏ lăn pla mjing kơ mnuih ƀuôn sang.”

Hồ Văn Thảo, Khua Knơ̆ng bruă sang čư̆ êa kdriêk Krông Pa brei thâo, kdriêk mâo 13 anôk klưh lăn ktuê boh dlông hlăm brô 45 km ti anôk Krông Pa đoh găn 8 să, wăl krah. Kdrêč klưh hroh kjham hĭn ti 2 să Ia Rsai leh anăn Čư̆ Rčăm. Hlăm wưng êgao, hlăm klei găl prăk ti kdriêk ƀiă, alŭ wăl kƀĭn rơ̆ng êđăp ênang kơ mnuih ƀuôn sang hŏng bruă pŏk ngă dŭm hdră bruă mbĕ mnuih ƀuôn sang krĭng klưh hroh lăn. Hlue anăn. Wưng 2012-2014, kdriêk pŏk ngă hdră bruă dăp êbeh 870 čô mnuih 4 boh ƀuôn ti să Ia Rsai. Thŭn 2019, kdriêk lŏ dơ̆ng ngă hdră bruă dăp mnuih ƀuôn sang mjêč kơ 31 gŏ êsei, 166 čô mnuih ti să să Ia Rsươm leh anăn să Ia Rsai. Thŭn 2020 truh ară anei, lŏ dơ̆ng ngă hdră mbĕ đuĕ 102 gŏ êsei mnuih ƀuôn sang ƀuôn H’Lang. Truh ară anei, boh klei klưh hroh lăn ktuê Krông Pa ăt dôk mkŏ mjing grăơ hruê ƀiădah ka mâo ôh hdră msir čiăng mkhư̆.  Hồ Văn Thảo, brei thâo: “Êjai anei snăn rơ̆ng klei hdĭp, ngăn drăp kơ mnuih ƀuôn sang, ngăn drăp knŭk kna jing mđing tal êlâo. Prăk čiăng guê gang êa kơ ƀuôn H’lang mbĕ bi prak, bi guê gang êa dŭm êtuh êklai prăk. Knơ̆ng bruă sang čư̆ êa kdriêk ksiêm yap leh jih čiăng akâo kơ Knơ̆ng bruă sang čư̆ êa čar akâo kơ Phŭn bruă lŏ hma leh anăn mđĭ kyar krĭng ƀuôn sang”.

Bruă sang čư̆ êa ăt msĕ mơh mnuih ƀuôn sang Krông Pa, Gia Lai, čang hmăng dŭm gưl dŭm dhar bruă mơ̆ng gưl dlông truh alŭ wăl hnưm mâo dŭm hdră msir klă klơ̆ng čiăng msir mgaih bi jih boh klei klưh hroh lăn krông Pa, rơ̆ng klei hdĭp mda mnuih ƀuôn sang./.