Kdriêk Đạ Huoai mâo mkŏ mjing mrâo hŏng klei bi mŭt mbĭt 3 boh kdriêk nah dhŭng čar Lâm Đồng, mâo Đạ Huoai, Đạ Tẻh, Cát Tiên. Ti mkŏ mjing knăm bi êdah anei, êpul mkŏ mjing bi mklă leh mkŏ mjing bruă Đảng  kdriêk Đạ Huoai. Mbĭt anăn, êpul kiă kriê bruă Đảng čar Lâm Đồng ruah mdưm êpul khua kiă kriê, Êpul khua kiă kriê bruă Đảng Đạ Huoai wưng păn bruă 2020-2025.

Nguyễn Quý Mỵ (Khua bruă Đảng kdriêk Đạ Huoai hđăp) mâo ruah mdưm păn ngă khua kiă kriê bruă Đảng kdriêk Đạ Huoai (mrâo). Blŭ hrăm ti anôk bi êdah anăn, Nguyễn Thái Học, Khua bruă Đảng jing jai čar Lâm Đồng lač, klei bi mŭt 3 boh kdriêk jing sa ti nah dhŭng mjing sa boh kdriêk mrâo jing bruă yuôm bhăn, čiăng hlue ngă djŏ hŏng hdră êlan mơ̆ng gưl dlông, lehanăn mơ̆ng čar. Anei ăt jing wưng găl kơ klei mđĭ kyar, mđing kơ klei ngă bruă hlăm klei khuăt kjăp, mă bruă mâo boh tŭ dưn hlăm ênuk gưl mrâo./.