Ti anôk bi kƀĭn, bruă Đảng čar  Lâm Đồng mâo leh klei bi mklă mkŏ mjing êpul khua kiă kriê ksiêm wĭt bruă hlue ngă hdră mtrŭn mrô 18 mơ̆ng bruă Đảng čar Lâm Đồng mâo Nguyễn Thái Học, khua bruă Đảng jing jai Lâm Đồng ngă khua êpul.

Kơ bruă sang čư̆ êa tă êlan mkŏ dăp bi djŏ tui si hdră bi mŭt knơ̆ng bruă čuăl mkă duh bi liê hŏng knơ̆ng bruă ngăn prăk; Knơ̆ng bruă êlan klông dŭ mdiăng, hŏng knơ̆ng bruă rŭ mdơ̆ng; knơ̆ng bruă knăn dŏ wăl hdĭp mda hŏng knơ̆ng bruă lŏ hma; Knơ̆ng bruă hâo hưn hŏng knơ̆ng bruă kreh knhâo; knơ̆ng bruă mnuih ngă bruă phung knap mñai hŏng knơ̆ng bruă kiă kriê bruă knuă. lehanăn jao jih klei dưi kiă kriê mơ̆ng knŭk kna kơ dŭm mta bruă dôk hlăm knơ̆ng bruă hđăp nao kơ knơ̆ng bruă mrâo bi djŏ guôp. Kơ hdră êlan tă čua kơ bruă dăp mnuih, mkŏ wĭt mnuih mă bruă, nao mđrĭng hŏng klei bi hrŏ mnuih mă bruă, mđing kơ hnơ̆ng thâo, kơ knhuah dôk dơ̆ng ƀơ̆ng huă, kơ klei hur har hlăm bruă, blŭ thâo mă bruă thâo, bi leh jăk bruă kčah jao./.