Mơ̆ng hdră ksiêm dlăng, tĭng dlăng, anôk bruă djŏ tuôm čar Lâm Đồng bi mklă, mâo 109 boh kban amâo kjăp brei pral dưi mkra mđĭ, bi kjăp amâo dah mkra mrâo. Lu boh kban anei dôk ti krĭng taih kbưi, krĭng mnuih djuê ƀiă ti dŭm kdriêk Đức Trọng, Di Linh, Bảo Lâm, Dam Rông...

Hluê Hoàng Anh Tuấn, Kơiăng khua Knơ̆ng bruă êlan klông dŭ mdiăng čar Lâm Đồng, čiăng rơ̆ng klei êđăp ênang, mkăp kơ klei čiăng êrô êbat, ngă bruă duh mkra lehanăn klei hdĭp mnuih ƀuôn sang, boh nik hlăm yan hjan, čar dôk mâo hdră kčah mkra mđĭ dŭm boh kban anei lehanăn dôk čiăng hlăm brô 965 êklai prăk lŏ mkra jih kban amâo kjăp anăn./.