Klei čuăl mkă čar Lâm Đồng wưng thŭn 2021 – 2030, hdră tă truh thŭn 2050 mâo leh Êpul gơ̆ng bi klă gưl dlông bi klă leh anăn dôk mkŏ mjing hdră čuăl mkă hluê si klei blŭ bi klă. Hlăm anăn, êngao kơ hdră čuăl mkă ƀuôn prŏng Bảo Lộc leh anăn krĭng jĕ giăm dưi bi leh klei bi klă, hưn mdahs, lu hdră čuăl mkă mkăn dôk êmưt mkă hŏng klei čoh čuăn.

Lê Quang Trung, khua kiă kriê knơ̆ng bruă mkŏ mkra čar Lâm Đồng brei thâo, hluê si bruă mkŏ mjing klei čuăl mkra kdriêk ti alŭ wăl čar êmưt hŏng hdră kčah. Phŭn agha kyua klei mĭn ngă hdră čuăl mkă kdriêk mơ̆ng dŭm alŭ wăl mâo klei mdê, mâo kdriêk mdưm boh klei čuăl mkă klă klơ̆ng kơ hdră čuăl mkă kdriêk ƀiădah hluê si klei čuăn amâo mâo dưi bi mŭt ôh. Kyuanăn srăng ngă wĭt ngă nao, luč mmông, mkra wĭt lu blư̆.