Lâm Đồng lŏ sua wĭt prăk dŭm hdră duh bi liê knŭk kna êmưt hluê ngă
Thứ bảy, 09:59, 26/11/2022
VOV Tây Nguyên
VOV Tây Nguyên
VOV4.Êđê - Lâm Đồng tlă anăp hŏng lu klei dleh dlan hlăm bruă mkăp prăk duh bi liê knŭk kna, ară anei knŏng mâo ti gŭ 70% hnơ̆ng ngă bruă. Anôk bruă sang čư̆ êa čar Lâm Đồng dôk gĭt gai kjăp, pŏk dŭm hdră msir čiăng gĭr mđĭ hnơ̆ng mkăp ngăn prăk mâo êbeh 95% hlăm thŭn anei.
Thŭn 2022, kluôm hdră kčah duh bi liê knŭk kna čar Lâm Đồng mâo mkăp giăm 6.500 êklai prăk čiăng hluê ngă 350 hdră bruă. Hlăm anăn, 722 êklai prăk jing prăk mkăp mơ̆ng thŭn 2021. Tĭng truh hruê 15/11, čar mrâo dưi mkăp 3.694 êklai prăk, mâo 68,5% hdră kčah.
Ti anăp bruă mkăp prăk duh bi liê knŭk kna ti alŭ wăl êmưt, Trần Văn Hiệp, Khua anôk bruă sang čư̆ êa čar Lâm Đồng brei thâo, srăng msir mghaih klei đua klam hŏng pô duh bi liê tơdah amâo rơ̆ng bruă mkăp prăk djŏ hdră kčah. Truh knhal jih thŭn, hlei anôk bruă amâo dưi mkăp prăk srăng sua wĭt jih ngăn prăk, amâo lŏ mkăp ôh. Lehanăn khua kiă kriê, khua knơ̆ng, dhar bruă tŭ đua klam klei anei./.
Viết bình luận