Klei bi kƀĭn pioh lu mmông ksiêm hriăm, đru mguôp lu klei blŭ kơ hdră kčah, tă hdră bi mlih mtah, bruă lŏ hma yua kdrăp mrâo mơ̆ng čar Lâm Đồng; hmư̆ phung kriê dlăng, phung thơ̆ng kơ bruă kah mbha kơ boh phŭn djŏ tuôm kơ kle găl, hdră msir mđĭ hdră bi mlih ăt msĕ mơh klei găl phung bi liê hŏng hdră bruă, dŭm hdră bi mlih mtah mơ̆ng alŭ wăl.

Mbĭt anăn, phung bi  ala ăt bi trông kơ bruă klei găl ngăn prăk kơ klei đĭ kyar mtah, mđĭ kyar kjăp, mđĭ kyar dliê leh anăn hdră msir mđĭ hdră duh ƀơ̆ng kơ êpul êya dŭm djuê ana ti alŭ wăl. Nai prŏng, nai prĭn Trần Hồng Thái, Khua Knơ̆ng bruă sang čư̆ êa čar Lâm Đồng bi mklă, klei bi kƀĭn jing klei găl prŏng kơ čar hưn mdah klei găl, klei mâo leh anăn bi liê, mnia blei ti čar Lâm Đồng. Čar srăng mă klei blŭ mgguôp, kčĕ mơ̆ng phung thơ̆ng kơ bruă, phung bi liê, duh mkra mnia blei, mơ̆ng anăn mâo hdră tă mđĭ kyar bruă duh mkra ala ƀuôn, bi mlih mtah hơĭt kjăp mơ̆ng čar Lâm Đồng hlăm wưng kơ anăp.