Hŏng akŏ “Đà Lạt – ƀuôn prŏng 4 yan mnga”, Festival mnga Đà Lạt gưl tal 9 thŭn 2022 srăng mkŏ mjing hlăm 2 mlan, mơ̆ng hruê 1/11 – 31/12. Mbĭt hŏng lu hdră phŭn mkŏ mjing ti Đà Lạt, êbeh 40 hdră nao mbĭt ăt dưi mkŏ mjing ti dŭm kdriêk, ƀuôn prŏng hlăm čar msĕ si: Knăm ao dai mnga, rang mdah leh anăn hưn mdah dŭm mta boh mnga bruă lŏ hma, knăm kpiê Vang mtah mda…

Wưng anei srăng mâo klei rang mdah, hưn mdah dŭm mta boh mnga bruă lŏ hma mâo anăn knăl “Đà Lạt – klei bi mguôp mơ̆ng lăn jăk”, mnga jing mta phŭn mâo bruă sang čư êa alŭ wăl, mnuih ƀuôn sang leh anăn knơ̆ng bruă mjêč mprăp bi ênŭm, kñăm bi djăp ênŭm klei čiăng dlăng mơ̆ng phung tuê, boh nik jing dŭm phŭn mnga dưi dăp ti anôk lu mnuih, ktuê êlan dơ̆ng leh anăn jŭm dar ênao Xuân Hương.