Boh tŭ Nguyễn Văn Phương, kkiêng hruê 8/2/1966 dưi ruah ngă Khua anôk bruă sang čư̆ êa ƀuôn prŏng Bảo Lộc, hŏng ênoh ruah mâo 96,77% phung bi ala nao ti knăm anei. Nguyễn Văn Phương jing Khua hđăp Anôk bruă Duh mkra – Ngăn prăk Êpul gơ̆ng bruă ƀuôn sang čar Lâm Đồng.

Hruê 19/10 leh êgao, ñu mâo Anôk kiă kriê bruă Đảng čar Lâm Đồng tiŏ nao mă bruă ti Anôk bruă Đảng ƀuôn prŏng Bảo Lộc, păn ngă Khua bruă Đảng ƀuôn prŏng Bảo Lộc wưng 2020 - 2025; mbĭt anăn hưn mthâo čiăng Êpul gơ̆ng bruă ƀuôn sang ƀuôn prŏng Bảo Lộc ruah ngă Khua Anôk bruă sang čư̆ êa ƀuôn prŏng Bảo Lộc, wưng 2021 - 2026.  Ăt wưng anei, Khua anôk bruă sang čư̆ êa ƀuôn prŏng Bảo Lộc Đoàn Kim Đình, dưi tiŏ nao ngă Khua Anôk bruă Xổ số kiến thiết Lâm Đồng.