Pô arăng mă kơ̆ng anei jing Nguyễn Hữu Ngọc, 45 thŭn, dôk ti alŭ Đức Đoài, să Đức Minh, kdriêk Dak Mik, čar Dak Nông. Êlâo anăn, hluê ngă mlan bi kdơ̆ng ktang hŏng phung ngă soh, kđông kahan răng mgang knông lăn Dak Lao bi hgŭm hŏng êpul thơ̆ng kơ bruă hlăm Lĭng kahan răng mgang knông lăn Dak Nông mkŏ mjing hdră hiu suang dlăng ti krĭng knông lăn 48/25, ti alŭ Đức Kim, să knông lăn Dak Lao, kdriêk Dak Mil. Tinei, êpul kahan răng mgang knông lăn ƀuh Ngọc dôk mgăt êdeh kang mdiăng lu thŭng cát tông, đing hlăm lam jing mnơ̆ng kăm, êpul kahan răng mgang knông lăn mă dlăng, ƀuh êbeh 400 kg phao briêng mdăp hlăm lam 14 thŭng cát tông. Mơ̆ng hdră kđil êmuh, Ngọc hưn ñu blei phao briêng anei mơ̆ng sa čô amâo thâo anăn, dôk diăng ba wĭt čiăng čhĭ hlăm wưng Têt kơ anăp.

Boh klei anei mâo Êpul kahan răng mgang knông lăn Dak Nông ngă hră m’ar, ba jao mnuih lehanăn mnơ̆ng kăm anei kơ kahan ksiêm kdriêk Dak Mil čar Dak Nông ksiêm dlăng, phat mkra djŏ hŏng klei dưi./.