Klă klơ̆ng, klei đĭ kyar GDP đăo knăl mâo 7,59%, hnư knŭk kna hrui wĭt mâo 3.475 êklai prăk, prăk hrui wĭt kah knar grăp čô mâo 60 êklăk prăk. Hnơ̆ng gŏ sang ƀun ƀin hrŏ êbeh 3%. Mkŏ mjing hlăm 3 hruê, Êpul gơ̆ng bruă ƀuôn sang čar Dak Nông srăng ksiêm dlăng, bi trông kơ klei hưn mdan leh anăn 22 hdră mtrŭn kơ dŭm boh klei yuôm bhăn hlăm alŭ wăl.

Klei kƀĭn ăt mkăp mmông ngă klei êmuh leh anăn wĭt lač klei êmuh hŏng khua kiă kriê dŭm knơ̆ng bruă jing: Hdră êlan leh anăn duh bi liê, ngăn dŏ leh anăn wăl hdĭp mda, Dhar kreh, mjuăt ktang asei mlei leh anăn hiu čhưn ênguê, ngă klei bi trông ti anôk bi kƀĭn čiăng khua khua bruă sang čư êa čar leh anăn dŭm knơ̆ng, dhar bruă hlak mblang, bi klă dŭm boh klei mâo phung bi ala leh anăn mnuih ƀuôn sang uêñ mĭn.