Anei jing bruă mâo khua bi ala knŭk kna Campuchia ti ƀuôn prŏng Hồ Chí Minh lehanăn knơ̆ng bruă sang čư̆ êa ƀuôn prŏng Cần Thơ mkŏ mjing čiăng kơ phung duh mkra Campuchia lehanăn phung duh mkra krĭng dap mnai krông Cửu Long, hlăm anăn jing ƀuôn prŏng Cần Thơ bi trông tui duah klei duh bi liê, bi hgŭm bruă duh mkra mnia mblei plah wah dua nah.

Ti anôk bi kƀĭn, phung duh mkra hriê mơ̆ng Campuchia bi êdah leh dŭm klei găl kơ bruă duh mkra mnia mblei ti Campuchia, lehanăn dŭm hdră êlan čiăng kơ phung duh mkra dua nah mâo klei bi mguôp kjăp, čiăng kơ bruă duh mkra mnia mblei amâo mâo tloh ênuê, mâo hyuă kjăp klei bi mnia mblei, lehanăn pral srăng dưi mkŏ wăt êlan êdeh phiơr plah wah Campuchia hŏng ƀuôn prŏng Cần Thơ... Tui si klei hâo mdah, mơ̆ng akŏ thŭn truh kơ ară anei, klei bi mnia mblei mơ̆ng ƀuôn prŏng Cần Thơ hŏng Campuchia truh êbeh 37 êklăk dolar./.