Ƀri wưng bi hdơr 105 hruê cách mạng mlan 10 Russia (7/11/1917 – 7/11/2022), hluê ngă klei bi klă mơ̆ng Êpul khua bruă Đảng dŭm anôk bruă gưl dlông, tlam mbruê 7/11, Bruă Đảng adŭ bruă Khua lăn čar mđup brei mêđai 40 thŭn bruă Đảng kơ Nguyễn Xuân Phúc, Khua hlăm phŭn bruă kđi čar, Khua lăn čar Việt Nam.

Blŭ hlăm knăm anăn, khua hlăm bruă Đảng gưl dlông Võ Văn Thưởng mñă klă, Khua lăn čar Nguyễn Xuân Phúc hrăm mbĭt leh hŏng Êpul khua bruă Đảng gưl dlông, Phŭn bruă kđi čar gĭt gai Đảng, mnuih ƀuôn sang leh anăn lĭng kahan găn hgao klei dleh dlan, klei lông dlăng, dưi mâo lu boh tŭ dưn yuôm bhăn, hŏng dŭm gru kruăk knăl yuôm bhăn, mkŏ mjing Đảng ƀrư̆ hruê ƀrư̆ ênuah ênô, kjăp ktang. Võ Văn Thưởng hơêč hmưi leh anăn bi êdah klei hmăng hmưi Khua lăn čar Nguyễn Xuân Phúc srăng lŏ đru mguôp lu hĭn kơ bruă cách mạng mơ̆ng Đảng, knŭk kna leh anăn mnuih ƀuôn sang.