Klei bi kƀĭn kyua Knơ̆ng bruă Dang Kông Việt Nam (Vietnam Post) mkŏ mjing. Klei bi kƀĭn bruă sang kông dŭm ala čar ASEAN mkŏ mjing mơ̆ng hruê 7 truh hruê 9/12/2022 hŏng klei hgŭm mơ̆ng phung bi ala khua gĭt gai bruă Dang Kông 10 ala čar Ngŏ Dhŭng Asi, kƀĭn bi trông kơ bruă pŏk ngă dŭm bruă lu tĭng, hdră ngă bruă dưi bi mklă hlăm Klei bi kƀĭn Êpul hgŭm bruă dang kông dlông rŏng lăn leh anăn Êpul hgŭm bruă dang kông krĭng Asi - Pacific.

Boh nik, phung khua gĭt gai gưl dlông mơ̆ng bruă dang kông 10 ala čar Ngŏ Dhŭng Asi srăng mâo lu mmông čiăng bi trông kơ hdră bruă dang kông kluôm rŏng lăn; dŭm klei găl leh anăn klei lông dlăng mơ̆ng bruă dang kông hlăm wưng kơ anăp; hdră msir mđĭ hnơ̆ng jăk dŭm mta mnơ̆ng dhơ̆ng dŭ mdiăng mâo leh; mba pral EMS, ba mnơ̆ng dhơ̆ng bruă mnia blei điện tử, tem dang kông…