Knhal thŭn anei srăng rŭ mkra êlan êran pral Dưr – Dhŭng kdrêč găn Phú Yên. Anei jing klei dưi hưn ti anôk mă bruă tlam hruê 3/11, plah wah K’iăng khua Phŭn bruă êlan klông dŭ mdiăng Nguyễn Duy Lâm hŏng Anôk bruă sang čư̆ êa čar Phú Yên kơ bruă mđĭ hdră msir mghaih anôk ala hlăm bruă rŭ mkra êlan êran pral Dưr – Dhŭng wưng 2021-2025.

Hdră êlan êran pral Dưr – Dhŭng kdrêč găn Phú Yên mâo boh dlông êbeh 90 km, prăk duh 26 êbâo êklai prăk.  Ară anei hdră ksiêm dlăng ênhă lăn mâo ba yua kơ hdră anei truh 83%. Čiăng rŏng hdră ngă bruă, Phŭn bruă êlan klông dŭ mdiăng mtă kơ Phú Yên pŏk ngă mđrăm mbĭt dŭm mta hră m’ar čiăng rŭ mkra êlâo kơ hruê 31/12. Phŭn bruă êlan klông dŭ mdiăng rơ̆ng mkăp ênŭm prăk duh bi liê hlăm hdră msir mghaih anôk ala, đru kơ alŭ wăl ruh mtlaih klei dleh dlan, gun kpăk êjai ngă bruă./.