Knơ̆ng bruă pui kmlă Dak Lak bi mguôp hŏng kahan ksiêm gang mkhư̆, truih mdjiê klei pui ƀơ̆ng čar Dak Lak mkŏ mjing klei hriăm kơ hdră truih mdjiê klei pui ƀơ̆ng, tui duah đru dŏng.

Klei truh ngă mgưt jing hlăm sang hjiê kdrăp yua mơ̆ng PC Dak Lak ti ƀuôn prŏng Ƀuôn Ama Thuôt mâo klei pui ƀơ̆ng, arưp aram ktang tơdah amâo mâo hmao ksiêm dlăng klei pui ƀơ̆ng. Leh kơnăn mtam, phung mă bruă ti knơ̆ng bruă pui kmlă ngă klei mbĕ mđuê̆ anak mnuih, mă mnơ̆ng truih mdjiê pui leh anăn hưn mtam hŏng kahan ksiêm gang mkhư̆, truih mdjiê pui 114.

Klei hriăm anei dưi mkăp kơ êpul gang mkhư̆, truih mdjiê klei pui ƀơ̆ng mnơ̆ng Knơ̆ng bruă pui kmlă Dak Lak dưi mâo klei hriăm êlam kơ bruă truih mdjiê klei pui ƀơ̆ng leh anăn tui duah đru dŏng, ăt msĕ hŏng klei thâo ba yua dŭm kdrăp, êdeh êdâo truih mdjiê pui. Anei ăt jing klei hriăm kñăm mđĭ hĭn klei bi mguôp, mgaih msir klei truh plah wah dŭm anôk bruă tơdah mâo klei truh tăm mâo.