VOV4.Êđê- Mđing truh kơ Hruê tar rŏng lăn bi hrŏ klei truh jhat mơ̆ng yan adiê ngă lehanăn hruê ASEAN ksiêm dlăng klei truh mơ̆ng yan adiê ngă, mơ̆ng hruê 13 - 19/10/2022, PC Dak Lak mkŏ mjing leh lu hdră mtô mblang mđĭ klei thâo săng, đua klam mơ̆ng êpul, mnuih hlăm hdră mdrơ̆ng hŏng klei yan adiê ngă.

Hŏng anăn “Hưn brei răng hnưm & Ngă bruă hnưm”, dŭm êpul bruă pui kmlă Dak Lak hưn nanao kơ hdră gang mkhư̆, mdrơ̆ng hŏng klei yan adiê ngă ti kdrăp hâo hưn, hdră mđung rup, mđung asăp, hla pŏk web, băng rôn ti anôk bruă lehanăn krĭng mnuih ƀuôn sang dôk… Anôk bruă ăt mprăp êpul, kdrăp mnơ̆ng kăp mdrơ̆ng tơdah mâo klei truh.

Hruê tar rŏng lăn bi hrŏ klei truh mơ̆ng yan adiê ngă hruê 13/10 mphŭn mơ̆ng hruê 1989, mâo Êpul hgŭm lu ala čar mphŭn pŏk kñăm mtrŭt mđĭ dhar kreh tar rŏng lăn thâo săng kơ bruă bi hrŏ klei truh amâo jăk mơ̆ng yan adiê ngă. Êpul hgŭm dŭm ala čar Ngŏ Dhŭng Asi ăt mă hruê anei jing Hruê ASEAN ksiêm dlăng klei truh mơ̆ng yan adiê ngă grăp thŭn./.

VOV Tây Nguyên/Pô mblang: H’Nêč