Thŭn 2022, knơ̆ng bruă pui kmlă Daknông bi leh ênŭm bruă čuăn bi êran pui kmlă, mkăp pui kmlă êđăp ênang kơ phung ƀuôn sang mđĭ kyar klei hdĭp mda. Mơ̆ng akŏ thŭn truh kơ ară anei, Daknông mâo čhĭ leh pui kmlă êbeh 520 êklăk kWh pui, đĭ tĭn 6,5% mkă hŏng wưng anei thŭn dih.

Truh kơ ară anei, phung yua pui mâo leh knơ̆ng bruă mkăp truh 12 mta bruă djŏ tuôm hŏng pui kmlă, dưi mâo klei dlăng kriê jăk hŏng mbah mă bruă hlue êlan hla pok knŭk kna, êbeh 95% phung yua internet lehanăn hlue hŏng hdră elektronik, hŏng đĭng blŭ thâo mĭn mkŏ internet čiăng kơ phung ƀuôn sang yua kơ bruă bi tĭng tla prăk pui hlăm grăp hrue, grăp mlan, kăp hưn klei amâo mâo jăk pui kmlă, thâodah ya mta klei čiăng mkra... jih jang bruă dưi ngă hŏng klei pral./.