Phúc Bình Niê Kdăm kkiêng 8/9/1983, djuê ana Êđê, ƀuôn sang să Ea Pôč, kdriêk čư̆ Mgar, čar Dak Lak (ară anei jing să Quảng Phú, čar Dak Lak); klei hriăm kơ hdră bhiăn, bruă duh mkra, hriăm gưl dlông klei kđi čar. Êlâo kơ djŏ ruah ngă K’iăng Khua Êpul gơ̆ng bruă ƀuôn sang čar, ñu jing Khua hlăm bruă đảng čar, K’iăng Khua Anôk bruă hâo hưn leh anăn čung ba mnuih ƀuôn sang čar Dak Lak.

Boh tŭ ruah khua hlăm klei bi kƀĭn thơ̆ng tal 5 mâo Êpul gơ̆ng bruă ƀuôn sang čar Dak Lak bi mklă hlue si hdră kčah. Êpul gơ̆ng bruă ƀuôn sang čar jao kơ Anôk buă kriê dlăng Êpul gơ̆ng bruă ƀuôn sang čar bi leh hră mơar djŏ tuôm čiăng hưn mdah hŏng Dhar bruă kƀĭn ala bi mklă hlue si klei kčah mtrŭn mơ̆ng hdră bhiăn.