Phŭn bruă hŏng tač êngao hruê mbruê mkŏ mjing Knăm bi mklă mơ̆ng Khua phŭn bruă hŏng tač êngao kơ bruă mkŏ mjing lehanăn ba mdah klei bhiăn mă bruă mơ̆ng Anôk bruă răng mgang mnuih ƀuôn sang Việt Nam ti ala tač êngao, mbĭt anăn mkŏ mjing Klei bi kƀĭn mơ̆ng Anôk bruă tal 1.

K’iăng khua phŭn bruă hŏng tač êngao Phạm Quang Hiệu, Khua anôk bruă gĭt gai klei bi kƀĭn. Blŭ ti knăm anei, K’iăng khua phŭn bruă mñă klă, Anôk bruă Đảng, phung khua phŭn bruă hŏng tač êngao bi mklă hdră răng mgang mnuih ƀuôn sang jing bruă klam kđi čar mơ̆ng Phŭn bruă, dưi ngă nanao lehanăn čang hmăng hdră anei ƀrư̆ hruê ƀrư̆ pral, djŏ guôp, tŭ dưn, rơ̆ng klei klă mngač hlăm lehanăn êngao ala čar. Bruă mkŏ mjing anôk bruă anei srăng mđĭ hnơ̆ng tŭ jăk, klei thâo kơ bruă hlăm hdră răng mgang mnuih ƀuôn sang wưng ti anăp./.