Leh 3 mlan ngă hdră mtrŭn kơ bruă ksiêm dlăng, ƀuah mkra dŭm klei ngă hlăm êlan klông, êpul kahan ksiêm êlan klông dưi hmao ƀuh, ƀuah mkra êbeh 788 êbâo klei ngă soh hlăm êlan klông, êbeh 112 êbâo klei ngă soh đĭ êdeh hmar êgao hnơ̆ng mkă hŏng hdră bhiăn…Êngao kơnăn, êpul kahan ksiêm lŏ mkŏ mjing bruă hâo hưn kơ êbeh 31 êbâo sang huă mnăm, sang ƀar, anôk kdŏ mmuñ…

Mtrŭt mjhar êbeh 25 êbâo knơ̆ng bruă, 190 êbâo čô hluê ngă djŏ bruă pŭ suai, mdiăng mnơ̆ng dhơ̆ng djŏ hŏng hnơ̆ng êdeh, jêñ jêñ mtă kơ phung tuê hruê huă mnăm hlăm dŭm sang huă mnăm hluê ngă djŏ dŭm hdră bhiăn hlăm klei bhiăn gang mkhư̆ klei hmăi mơ̆ng kpiê asei, amâo mâo mgăt êdeh tơdah leh mnăm kpiê asei. Hluê anăn dưi đru rơ̆ng klei êđăp ênang hlăm êlan klông, bi hrŏ klei bi drăm êdeh êdâo hlăm kluôm ala, klei truh hlăm êlan klông hrŏ hlăm 3 hnơ̆ng čoh čuăn mkă hŏng wưng ka trŭn kơ bruă.