8 mmông aguah 18-7, Phŭn bruă sang hră mtô bi hriăm hưn mdah puăng bi lông hriăm jih gưl 3 thŭn 2023 mơ̆ng êbeh 1 êklăk čô hđeh bi lông. Hlăm dŭm hla pŏk web ksiêm dlăng ngă bruă nanao. Thŭn anei Phŭn bruă sang hră mtô bi hriăm kčah kơ Phŭn bruă leh anăn dŭm Knơ̆ng bruă sang hră mtô bi hriăm, dŭm hră klei mrâo hưn mdah puăng bi lông hlăm 8 mmông aguah anăn bruă ksiêm dlăng mơ̆ng phung bi lông găl ênưih hĭn, phung bi lông amâo guôn krŏng lăn krah mlan čiăng guôn msĕ si thŭn dih ôh.

Hlue si klei hlak mblang puăng bi lông mơ̆ng Phŭn bruă sang hră mtô bi hriăm, klei hriăm Giáo dục công dân mâo puăng bi lông kah knar lu hĭn, 8, 29 puăng, hlăm anăn mâo lu hđeh bi lông mâo 9 puăng. Klei bi lông anei ăt mâo ênoh hđeh bi lông mâo puăng 10 lu hĭn. Klei bi lông mâo puăng kah knar lu tal 2 mơ̆ng klei bi lông anei jing Ngữ văn, ƀiădah knŏng 1 čô hđeh mâo puăng 10. Dŭm klei bi lông Toán, Vật lý, Hoá học, Sinh học, Lịch sử, Địa lý mâp puăng kah knar ti hnơ̆ng mơ̆ng 6,03 truh  6,74, ƀiădah mkă hŏng thŭn dih, hnơ̆ng puăng kah knar leh anăn ênoh hnơ̆ng klei bi lông mâo puăng 10 hrŏ. Klei Ăngle mâo puăng klei bi lông kah knar ƀiă hĭn hlăm dŭm klei bi lông, hŏng 5,45 puăng. Mâo 494 čô mâo puăng 10 klei bi lông anei./.