Hlăm mmông bi tuôm, phung bi ala čar Dak Nông hơ̆k mơak kyua dŭm boh tŭ hlăm klei kƀĭn tal 4, bruă kƀĭn ala gưl 15, mbĭt anăn yap yuôm bhăn bruă klam mơ̆ng êpul bi ala čar hlăm klei bi trông, đru mguôp klei blŭ leh anăn klei êmuh hlăm anôk bi kƀĭn bruă Kƀĭn ala.

Phung bi ala hmăng hmưi Klei bhiăn lăn ala (mkra mlih) kơ anăp srăng bi kna boh tŭ kơ knŭk kna, mnuih ƀuôn sang, knơ̆ng bruă, mgaih msir dŭm klei dleh kpăk msĕ si hrui wĭt lăn đru kơ dŭm hdră ka djŏ hŏng ênoh anôk mnia mblei, ngă klei hmăi amâo mâo jăk kơ mnuih ƀuôn sang. Hlăm bruă gang mkhư̆ klei ƀơ̆ng ngăn, phung bi ala hmăng hmưi čar Dak Nông čiăng mđĭ ktang hĭn čiăng mgaih msir dŭm boh klei êdah êdi hlăm alŭ wăl.