Phung mda asei Kon Tum mkŏ mjing lu bruă ngă mđing bi hdơr 80 thŭn mkŏ mjing Êpul lĭng kahan yang ƀuôn Việt Nam
Thứ ba, 14:07, 17/12/2024
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV4.Êđê- Mđing bi hdơr 80 thŭn hruê mkŏ mjing Êpul lĭng kahan yang ƀuôn Việt Nam phung mda asei čar Kon Tum dôk mkŏ mjing lu bruă ngă yuôm bhăn kñăm mtô bi hriăm knhuah gru khăp kơ ala čar leh anăn mđĭ lar bruă klam phung mda asei hlăm bruă mkŏ mjing ƀuôn sang.
Ti wăl mnơ̆ng kriê pioh hƀuê ênuk anôk bruă krŭ kdơ̆ng bruă Đảng čar Kon Tum ti să Măng Ri, kdriêk Tu Mrông, êbeh 100 čô phung êdam êra dŭm anôk bruă: Bruă êdam êra čar Kon tum, Êpul kahan 10, Anôk bruă gĭt gai lĭng kahan čar, Anôk bruă gĭt gai lĭng kahan răng mgang knông lăn čar leh anăn kahan ksiêm čar hrăm mbĭt myơr brui mngưi, myơr mnga bi êdah klei mpŭ, hdơr knga êlam kơ phung khua mduôn krŭ kdơ̆ng.
Gưl anei ti alŭ Mô Po, să Mường Hoong, kdriêk Đăk Glei, phung mda asei 5 êpul čar Kon Tum ăt mđup brei hdră bruă “Kdrêč êlan phung êdam êra kuč mngač” kơ 30 gŏ êsei mnuih ƀuôn sang Sêdang. Hdră bruă mâo 28 pui mtrang hŏng pil yang hruê mâo ênoh 50 êklăk prăk đru kơ mnuih ƀuôn sang găl ênưih hĭn tơdah găn êrô hlăm êlan klông hlăm mmăt.
Viết bình luận