Hlăm anăn, mđing kơ hdră bi lông hrăm mbĭt lăm lui sang tĭ, ƀrôč, hŏng bruă mtrŭt mjhar mdơ̆ng leh mrâo 12 boh sang, đru 160 hruê ai mă bruă, ênoh jih jang đru êbeh 800 êklăk prăk; mkŏ mjing giăm sa êtuh hruê trŭn ngă bruă Knăm kjuh mtah, hruê trŭn ngă bruă mkŏ mkra krĭng ƀuôn sang mrâo iêô jak giăm 13.500 gưl čô êdam êra hgŭm.

Êngao anăn, dŭm gưl phung êdam êra čar Lâm Đồng hmao mkŏ mjing 137 êpul êdam êra đru “Bi hriăm mnuih ƀuôn sang kơ hdră mrô”, đru giăm 10 êbâo čô mnuih ƀuôn sang yua hdră mrô. Anôk ksiêm đlăng hdră bruă êdam êra čar Lâm Đồng brei thâo hlăm thŭn 2025, srăng mkŏ mjing ƀiă êdi 4 blư̆ trŭn ngă bruă mkŏ mkra krĭng ƀuôn sang mrâo leh anăn Knăm kjuh mtah čiăng ngă bruă grăp gưl.