Mơ̆ng hrue 15/11 thŭn dih, Êpul hgŭm phung ngă lŏ hma čar mkŏ mjing leh êpul bi ktưn truh hŏng dŭm gưl êpul hgŭm, ƀĭng ngă lŏ hma hlăm čar. Hlăm 1 thhŭn êgao, phung ngă lŏ hma čar mâo ngă leh truh giăm 1.100 mta bruă. Wưng anei, Êpul hgŭm phung ngă lŏ hma čar Daklak bi mni leh truh 21 êpul lehanăn mnuih mâo bruă kdlưn hĭn hlăm bruă bi ktưn kkuh mơak 120 thŭn hrue mkŏ mjing čar Daklak.

Jao hră tŭ yap “Boh mnga bruă lŏ hma kdlưn hĭn čar Daklak thŭn 2024” kơ 25 mta mnơ̆ng mơ̆ng 23 êpul bruă lehanăn mnuih hlăm čar. Rang mdah, hưn mthâo êbeh 200 mta mnơ̆ng mơ̆ng bruă lŏ hma, jing jăk hĭn, lehanăn dŭm mta mnơ̆ng pioh kơ bruă lŏ hma hlăm kdrăp mrâo, pla mjing doh mơ̆ng dŭm êpul hgŭm phung ngă lŏ hma 15 čar, ƀuôn prŏng./.