Aguah mbruê 14/12, ti anôk bi kƀĭn ala čar (Hà Nội), klei kƀĭn phung bi ala kluôm ala êpul bruă Hđeh êdam êra cộng sản Hồ Chí Minh gưl tal 12, wưng thŭn 2022 -2027 hŏng klei blŭ pia “Klei hmăng hmưi – Nao êlâo – bi mguôp – jhŏng - mbruă” dưi kčưm pŏk kdrưh kơăm hŏng klei nao hgŭm mơ̆ng 980 čô pô bi ala jing phung knuă druh, hđeh êdam êra bi ala kơ 22 êklăk čô hđeh êdam êra Việt Nam hlăm leh anăn êngao ala čar. Klei kƀĭn anei jing bruă kđi čar yuôm bhăn mơ̆ng phung mda asei Việt Nam, bi klă klei gĭr, klei tŭ dưn mơ̆ng êpul bruă hđeh êdam êra hlăm hdră bruă hđeh êdam êra hlăm 5 thŭn êgao.

Klei kƀĭn mâo bruă klam ksiêm wĭt bruă hluê ngă hdră mtrŭn Klei kƀĭn kluôm ala phung bi ala hđeh êdam êra cộng sản Hồ Chí Minh gưl tal 11, wưng thŭn 2022 – 2027. Bi klă mta kñăm, bruă klam, hdră êlan ngă bruă leh anăn hdră bruă hđeh êdam êra wưng thŭn 2022 -2027. Klei kƀĭn srăng čuăn ruah Êpul ngă bruă gưl dlông hlăm êpul hđeh êdam êra gưl 12, wưng thŭn 2022 -2027, bi mbŏ, mkra mlih klei bhiăn bruă hđeh êdam êra leh anăn klei bhiăn bruă hđeh êdam êra mkra mlih, bi mbŏ.