Klei bi kƀĭn EATOF thŭn anei djŏ hŏng klei bi hdơr 20 thŭn mkŏ mjing EATOF. Anei jing sa êpul hgŭm kơ bruă hiu čhưn ênguê mâo mkŏ mjing mơ̆ng hlăk thŭn 1999 ti čar Gangwon, ala čar Dhŭng Korea. Ară anei, klei bi kƀĭn EATOF mâo 10 êpul êya jing čar Cát Lâm, ala čar China, Cebu ala čar Philipines, Gangwon ala čar Dhŭng Korea, Luang Prabang ala čar Lao, Quảng Ninh ala čar Việt Nam, Siêm Riêp ala čar Campuchia, Sarawak ala čar Malaysia, Tottori ala čar Nhật Bản, Tuv ala čar Môngôl, lehanăn Yogyakarta ala čar Indonesia.

Mta kñăm kơ klei bi kƀĭn anei jing hrăm mbĭt bi hgŭm mđĭ kyar bruă hiu čhưn ênguê kjăp hlăm alŭ wăl. Êpul gơ̆ng bruă anei thŭn anei jing: Lŏ kơrŭ wĭt bruă hiu čhưn ênguê hlăm alŭ wăl Ngŏ Asi hlăk ênuk mrâo” djŏ ƀri gưl bi hdơr 20 thŭn hrue mkŏ mjing êpul EATOF mbĭt hŏng lu bruă ngă yuôm bhăn bi mklă lehanăn lŏ mtrŭn agha êlam hĭn, hgŭm mbĭt dŭm čar ƀĭng hgŭm hlăm EATOF./.