Anei jing klei bi kƀĭn prŏng tal êlâo mơ̆ng AIPA dưi mkŏ mjing klă anăp leh dua thŭn găn klei ruă tưp Covid 19.

Klei bi kƀĭn prŏng anei jing tal 43 mđing trông čhai kơ dŭm bruă: Êđăp ênang, hdră êlan lu tĭng, lehanăn bruă klam mơ̆ng ASEAN; mđĭ hĭn klei bi mjĕ êrô bruă kƀĭn ala kơ klei êđăp ênang êlan êa ksĭ, mtrŭt bruă bi hơĭt hlăm krĭng; hgŭm êpul bruă kƀĭn ala kyua bruă mđĭ kyar duh mkra hŏng klei kjăp, păn kjăp kơ jih jang bruă kñăm kơ klei doh êƀăt wăl hdĭp mda, klei hdĭp mda ala ƀuôn, lehanăn bruă kiă kriê, mđĭ klei thâo kơ dŭm êpul duh mkra prŏng lehanăn điêt, ngă bruă bi mlih mrô lehanăn mđĭ kyar bruă hiu čhưn ênguê, bi kơrŭ wĭt bruă duh mkra, răng mgang kjăp yang ƀuôn, wăt hlăm bruă răng mgang klei suaih pral, jing leh bruă ktrŏ hŏng ASEAN, kơ klei mtăp mđơr êkei mniê, lehanăn jao klei dưi kơ phung mniê mđĭ kyar kjăp leh klei ruă tưp, jao bruă klam kơ phung mniê ngă bruă kiă kriê êpul mniê lehanăn kơ bruă răng mgang klei êđăp ênang, iêo jak jih jang êdam êra ASEAN bi hgŭm kyua sa ASEAN mdrŏng sah đĭ kyar./.