Êjai kơ klei ngăn prăk ka dưi dăp bi ênŭm pioh duh bi liê mkra êlan dơ̆ng anei, lehanăn ară anei mâo hdră êlan mđrăm mbĭt hŏng yang ƀuôn mkra mjing, Phŭn bruă elan klông bi mguôp leh hŏng knơ̆ng bruă sang čư̆ êa čar Tiền Giang hâo mdah lehanăn mâo k’iăng khua knŭk kna tŭ ư jao kơ phŭn bruă ksiêm dlăng čiăng mâo hdră êlan duh bi liê pŏk phai mkra êlan dơ̆ng pral ƀuôn prŏng Hồ Chí Minh-Trung Lương-Mỹ Thuận hlue hŏng hdră PPP (jing klei duh bi liê knŭk kna hŏng êngao knŭk kna) hlăm jih kdrêč êlan anei. Snăn hlăm jih 91km, hŏng boh prŏng êlan mkra mjing mâo mơ̆ng 6-8 grông êdeh, djŏ guôp hŏng boh prŏng ƀô̆ êlan mâo ruh mgiah leh.

Klah čŭn klei bi kƀĭn, k'iăng khua knŭk kna Trần Hồng Hà jao kơ phŭn bruă êlan klông, mâo klei hâo mdah djăp ênŭm hdră elan čiăng pŏk phai bruă mkra êlan dơ̆ng pral ƀuôn prŏng Hồ Chí Minh-Trung Lương-Mỹ Thuận wưng leh êgao, ksiêm dlăng ktrâo atăt djăp alŭ wăl ruah pô duh mkra djŏ hŏng hdră mtrŭn mrâo kơ klei duh bi liê knŭk kna mbĭt hŏng êngao knŭk kna mơ̆ng hrue 1/1/2025, hdră êlan bi tĭng tla mkă tĭng mơ̆ng ênoh prăk duh bi liê pioh mkŏ mkra êlan dơ̆ng anei./.