Sang hrăk ƀiêng gưl dlông Đông Á ti čar Daklak mâo 10 ha, mâo 115 boh adŭ hriăm tui si hră mơar, 27 boh adŭ lông ngă bruă tui si klei hriăm, sang dlăng hră, alŭ wăl mjuăt asei mlei lehanăn dŭm adŭ bruă mkăn. Hnơ̆ng dưi mjuăt bi hriăm tal êlâo wưng thŭn 2022 – 2030, mơ̆ng sang hră anei mâo 6 mta bruă: Kiă kriê bruă duh mkra mnia mblei; kiă kriê sang jưh, kiă kriê bruă hiu čhưn dhing, bruă mkra mjing mnơ̆ng ƀơ̆ng huă, bruă nai êa drao, kdrăp mrâo mrang.

Blŭ hrăm hlăm knăm anei, Nguyễn Văn Phúc, k’iăng khua phŭn bruă sang hră mơar lač, anei jing sa knhuang mrâo mơ̆ng sang hră gưl prŏng Đông Á ktuh êyuh hlăm bruă mjuăt bi hriăm pioh kơ bruă đru mđĭ kyar klei duh mkra ala ƀuôn ti alŭ wăl kwar krah lehanăn Lăn Dap kngư./.