Jing ênoh prăk đru kơ phung nai ngă bruă ti krĭng dleh dlan. Nguyễn Thế Hùng, khua kiă kriê sang hră gưl 3 Pleime, brei thâo, 27 čô knuă druh, phung nai hlăm sang hră ka mâo ôh prăk đru hlăm 6 mlan mơ̆ng mlan 7 – 12/2021, hŏng kluôm ênoh prăk anăn jin 837 êklăk prăk. Mơ̆ng akŏ thŭn truh kơ ară anei, sang hră mâo leh lu blư̆ mơĭt hră hưn mthâo hŏng knơ̆ng bruă mtô mjuăt bi hriăm čar Gia Lai leh anăn Êpul hgŭm mnuih mă bruă čar Gia Lai ksiêm dlăng, ƀiădah ka mâo ôh klei mgaih msir.

Dưi thâo, phŭn agha ngă truh klei anei jing kyua mơ̆ng knơ̆ng bruă mtô mjuăt bi hriăm êmưt thâo klei bi klă mơ̆ng Dhar bruă djuê ana kơ bruă bi klă hră anăn dŭm alŭ dleh dlan krĭng mnuih djuê ƀiă leh anăn krĭng čư̆ čhiăng wưng thŭn 2021 – 2025. Klei anei ngă truh amâo mâo hmao mkra mlih hdră ngă bruă hlam 6 mlan knhal jih thŭn 2021 kơ phung knuă druh, phung nai mtô ti sang hră gưl tlâo Pleime.