Sang hră gưl prŏng Lăn dap kngư ară anei mâo êbeh 640 čô knuă druh, nai mtô, mjuăt bi hriăm êbeh 9 êbâo čô sinh viên, hŏng 5 bruă mjuăt bi hriăm nai prĭn, 12 bruă mjuăt bi hriăm thạc sĩ lehanăn bi hriăm thơ̆ng kơ bruă gưl 1, 36 bruă mjuăt bi hriăm gưl prŏng, 1 sang hră gưl tlâo lehanăn 1 sang hră bi hriăm phung hđeh điêt. Ară anei, Sang hră gưl prŏng Lăn dap kngư ngă leh bruă bi mklă hnơ̆ng tŭ anôk bruă bruă mtô bi hriăm lehanăn bi mklă hnơ̆ng tŭ bruă mtô bi hriăm 3 mta bruă: Mtô bi hriăm gưl 1, Kriê dlăng bruă Mnia mblei lehanăn Công nghệ sinh học djăp hnơ̆ng čuăn mơ̆ng Phŭn bruă Sang hră m’ar mtô bi hriăm.

Hluê si Hdră mtrŭn mrô 23 mơ̆ng hruê 6/10/2022 mơ̆ng Phŭn bruă kđi čar kơ hdră mđĭ kyar bruă duh mkra ala ƀuôn lehanăn rơ̆ng klei êđăp ênang krĭng Lăn dap kngư truh thŭn 2030, hnơ̆ng trah dlăng truh thŭn 2045, Sang hră gưl prŏng Lăn dap kngư jing sa hlăm dŭm klei mđing mđĭ kyar tal êlâo. Sang hră bi mklă bruă klam phŭn mơ̆ng thŭn hriăm jing mđĭ hdră kriê dlăng bruă mtô bi hriăm gưl prŏng, bi khuăt anôk bruă, ngă bruă tŭ dưn, mđĭ klei ba yua kdrăp mrâo hlăm hdră mtô lehanăn bi hriăm./.