Dhar bruă duh mkra ala čar ngă leh bruă hŏng knơ̆ng bruyă sang čư̆ êa dŭm boh čar, ƀuôn prŏng: Khánh Hòa, Ninh Thuận, Bình Thuận, Đồng Nai lehanăn ɃP. Hồ Chí Minh. Ti anôk mă bruă, phung bi ala bi tŭ ư bruă rŭ mkra êlan êdeh treng êran pral Dưr – Dhŭng, đru bi mkŏ krĭng kwar. Bruă mkra êlan êdeh treng anei kñăm mkŏ dŭm kwar hlăm keli êrô êbat pral hĭn.

Bruă anei mkra mâo boh taih jih jang hlăm brô 1.540 km; găn hlăm 20 boh čar ƀuôn prŏng. Anăn srăng mkra êlan mdua, hŏng boh pral êdeh nao jing hlăm brô 350 km/h. Tĭng mă snăn luič liê anôk ala hlăm brô êbeh10.800 héc ta, hŏng ênoh bi liê jih jang êbeh 1,7 êklăk êklai prăk. Klei anei srăng dưi bi mklă dơ̆ng duh bi liê hlăm 3 mlan knhal jih thŭn anei, mphŭn srăng mkra êlan mơ̆ng thŭn 2027; ktưn srăng bi leh hlăm thŭn 2035.