Khua phŭn bruă hdră kčah leh anăn duh bi liê Nguyễn Chí Dũng - Khua êpul Việt Nam mrâo nao hlăm Klei bi kƀĭn kđi čar gưl dlông kơ klei đĭ kyar kjăp mơ̆ng Êpul hgŭm lu ala čar  (HLPF) - hưn mdah dŭm hdră kñăm đĭ kyar kjăp thŭn 2023 mơ̆ng Việt Nam leh anăn mă bruă hŏng dŭm anôk bruă Knŭk kna, êpul bruă, anôk bruă duh mkra, keh prăk bi liê, êpul grup prŏng mơ̆ng Mi kñăm mđĭ klei bi hgŭm mlih mrâo mbruă leh anăn yua kdrăp mrâo; ksiêm hriăm, bi trông klei thâo leh anăn iêô jak duh bi liê hlăm dŭm hdră bruă yua kdrăp mrâo.

Việt Nam bi mklă klei ƀuăn rơ̆ng lŏ dơ̆ng mđĭ lar bruă klam jing ala čar mâo bruă klam, đru mguôp jăk hlăm dŭm klei gĭt mbĭt mơ̆ng êpul êya lu ala čar. Hdră kñăm mơ̆ng Klei hưn mdah tal dua kñăm kah mbha kơ hnơ̆ng hlue ngă dŭm hdră kñăm mđĭ kyar kjăp; dŭm klei bi mlih leh anăn hnơ̆ng yuôm bhăn mkă hŏng tal sa; dŭm klei dleh dlan, lông dlăng kčah leh anăn hdră tă yuôm bhăn kñăm mđĭ bruă hlue ngă hdră kñăm đĭ kyar kjăp hlăm wưng kơ anăp./.