Hlue anăn, klei bi kƀĭn tal 8 Êpul gơ̆ng bruă ƀuôn sang čar Lâm Đồng gưl X bi mklă hră hưn mthâo phung mă bruă leh anăn phung bi ala Êpul gơ̆ng bruă ƀuôn sang mplĕ hră ruah mbŏ  K’iăng Khua Knơ̆ng bruă sang čư̆ êa čar gưl X wưng 2021-2026.  Võ Ngọc Hiệp, Khua Knơ̆ng bruă mặt trận čar kwar Lâm Đồng djŏ ruah ngă bruă anei hŏng ênoh hră mplĕ 54/55 pŏk hră.

Mơ̆ng thŭn 2010 truh ară anei, Võ Ngọc Hiệp tuôm ngă : Khua Knơ̆ng bruă sang čư̆ êa ƀuôn prŏng Đà Lạt, Khua Knơ̆ng bruă tuh tia mnia blei čar Lâm Đồng leh anăn Khua Knơ̆ng bruă mặt trận čar kwar Lâm Đồng. Mbĭt hŏng bruă ruah mbŏ K’iăng Khua knơ̆ng bruă sang čư̆ êa čar, phung bi ala Êpul gơ̆ng bruă ƀuôn sang čar Lâm Đồng ăt bi mklă hră Hưn mdah, Hdră mtrŭn kơ bruă brei đa đa phung bi ala mdei bruă hlue si klei akâo leh anăn hlue si klei dăp mnuih mă bruă djŏ hdră kčah./.