Hluê anăn, mơ̆ng hruê 1/11/2024, wăl krah Ƀuôn Hồ, čar Dak Lak bi mŭt sa kdrêč ênhă, ênoh mnuih ƀuôn sang mơ̆ng să Ea Blang mŭt hlăm să Ea Siên. Bi ênhă adôk mơ̆ng să Ea Blang bi mŭt hlăm să Ea Drông. Sơnăn, leh ngă klei bi mŭt, wăl krah Ƀuôn Hồ adôk 11 anôk bruă knŭk kna gưl să, mâo 7 ƀuôn hgŭm leh anăn 4 să.

Bruă bi mŭt anôk bruă knŭk kna mkŏ mjing klei găl bruă kriê dlăng mơ̆ng knŭk kna mơ̆ng bruă sang čư̆ êa nah gŭ leh anăn klei ngă bruă mơ̆ng dŭm êpul êya, rơ̆ng ngă jăk dŭm klei čuăn leh anăn dŭm hnơ̆ng čuăn mkŏ mkra krĭng ƀuôn sang mrâo hlăm dŭm să, mkŏ mjing klei sa ai hlăm phung knuă druh, mnuih ƀuôn sang leh anăn găl guôp hŏng hdră kčah mtrŭn mơ̆ng Đảng, hdră bhiăn lăn čar.