VOV4.Jarai - Sang prăk gah Hơdră bruă mơnuih mơnam phrâo brơi thâo, ngă tui anung prăk djru 26.000 klai prăk mơng Kơnuk kơna (amăng anun kơnong kơ sang prăk gơgrong ba pơsir 7.500 klai prăk), truh mông anai, Sang prăk hmâo čơkă mă laih hră pơ-ar ngă giong mơng 13 bôh anom bơwih ƀong amăng tơring čar Bắc Giang hăng tơlơi kiăng čan 44 klai prăk pioh tla prăk blan kơ 13.000 čô mơnuih mă bruă. Amăng mrô anai, Sang prăk gah hơdră bruă mơnuih mơnam tơring čar Bắc Giang hmâo pơsit hră pơ-ar mơng 4 bôh anom bơwih ƀong, čan mrô prăk 21 klai prăk pioh tla prăk blan, blan 7 brơi rơbêh kơ 6.000 čô mơnuih mă bruă. Amăng lơ 28/7 hmâo dong 10 anih anom pơsit hră čan prăk mơng 39 pô mă yua mơnuih mă bruă hăng abih bang mrô prăk lĕ 43 klai prăk. Rơngiao kơ brơi čan tla prăk blan kơ mơnuih mă bruă dô̆ đông yua kơ bơbeč mơng klin Covid-19, anom bơwih ƀong dô̆ dưi čan kiăng hơkrŭ glăi bruă bơwih ƀong huă, sĭ mơdrô./.

Siu H’ Prăk: Pô pơblang