VOV4.Jarai - Tŏ tui hơdôm hrơi tơña hăng lăi glăi tơlơi tơña, mơguah (11/11), Khua ding jum bruă mă-tơhan rơka hăng mơnuih mơnam Đào Ngọc Dung lăi glăi tơlơi tơña hăng hơdôm bruă bơdjơ̆ nao bruă mă, tơhan rơka hăng mơnuih mơnam. Laih dong, Khua ding jum pơtô pơjuăt Nguyễn Kim Sơn hăng Khua ding jum kơčăo bruă hăng tuh pơ alin Nguyễn Chí Dũng ăt hơmâo mông lăi glăi tơlơi tơña kơ bruă pơtô hrăm hăng kơčăo bruă hăng tuh pơ alin. Amăng mông lăi glăi tơlơi tơña tlam tom hrơi, Khua ding jum bruă mă, tơhan rơka hăng mơnuih mơnam đing nao ngă rơđah kơ bruă čem rông ba ƀing čơđai drit druai tơdơi kơ pơgang hĭ klin. Tơdơi kơ tơlơi lăi glăi mơng Khua ding jum Đào Ngọc Dung, mơguah anai, Khua mua pơ ala mơnuih ƀon sang dêh čar tŏ tui bruă tơña hăng lăi glăi tơlơi tơña bruă tal 3 anun lĕ bruă pơtô hrăm. Amăng yang hrơi tlam, Khua mua pơ ala mơnuih ƀon sang dêh čar tŏ tui tơña hơdôm bruă tal pă kơ kơčăo bruă hăng tuh pơ alin, đing nao hơdră bruă hơkrŭ glăi hăng pơđĭ kyar bơwih ƀong huă pơ anăp anai; hơdôm hơdră djru, pơsir hĭ tơnap tap brơi anom bơwih ƀong sĭ mơdrô, anom bruă bơwih ƀong hrŏm, sang anŏ kiăng hơkrŭ glăi, pơđĭ kyar bơwih ƀong sĭ mơdrô.

Siu Đoan: Pơblang