VOV4.Jarai - Mơng 3 blan tal 2 thun 2020 truh ră anai, bruă ba mơnuih nao mă bruă pơ dêh čar tač rơngiao ăt jing sa amăng hơdôm bruă bơbeč yua kơtang hloh yua klin Covid-19 ngă, dong gah tlôn anom bruă rơdêh por, sang jưh tuai, tuai hyu ngui đôč. Tui hăng Anom bruă wai lăng mơnuih mă bruă pơ dêh čar tač rơngiao (Ding jum Mơnuih mă bruă, Tơhan rơka hăng Mơnuih mơnam), mrô lăi pơthâo mơng hơdôm anom bơwih ƀong brơi ƀuh: amăng 4 blan rơgao, mrô mơnuih mă bruă dêh čar Việt Nam nao mă bruă pơ dêh čar tač rơngiao hơmâo giăm 35 rơbâo čô, dưm dưm 38,79% akŏ bruă amăng thun. Dêh čar Japan čơkă lu biă mơnuih mă bruă mơng Việt Nam hăng giăm 18 rơbâo 400 čô mơnuih; kiăo tlôn lĕ Đài Loan (Khač) hơmâo rơbêh 15 rơbâo čô mơnuih mă bruă, Hàn Quốc hơmâo rơbêh 280 čô mơnuih, Hungary hơmâo rơbêh 200 čô hăng pơ dêh čar pơkŏn dong. Kơnong amăng blan 4, mrô mơnuih nao mă bruă pơ dêh čar tač rơngiao lĕ rơbêh 5 rơbâo 300 čô mơnuih. Him lăng hlâo, bruă ba mơnuih mă bruă nao pơ dêh čar tač rơngiao ăt bưp tơlơi tơnap mơn yua klin Covid-19 ngă.

Siu H’Mai: Pơblang