VOV4.Jarai - Tui gơnong bruă mơnuih mă bruă - tơhan rơka hăng mơnuih mơnam ƀon prong Hồ Chí Minh, ră anai abih bang anom bruă pơkra gơnam ƀơi ƀon prong lêng kiăng mơnuih mă bruă. Amăng anun, sa, dua bruă kiăng lu mơnuih mă bruă kah hăng: Sĭ mơdrô kiăng rơbêh 7.200 čô mơnuih, dịch vụ logistics, anih pioh gơnam kiăng rơbêh 4.800 čô mơnuih, jŭ yap wai lăng prăk kăk kiăng 3.300 čô mơnuih, anih bơwih brơi tuai hyu ngui, sang jưh tuai, anih sĭ mơdrô gơnam ƀong huă kiăng giăm 2.000 čô mơnuih, gah kiến trúc kač rup pơkra anih anom sang dŏ kiăng rơbêh 1.600 čô mơnuih, tia tơƀañ kiăng 1.400 čô mơnuih, marketing kiăng rơbêh 1.200 čô mơnuih...

Ƀon prong HCM kiăng lu mơnuih mă bruă.

Kơ bruă djru tal 3, ơi Nguyễn Văn Lâm, Kơ-iăng khua gơnong bruă Mơnuih mă bruă - Tơhan rơka hăng Mơnuih mơnam ƀon prong Hồ Chí Minh brơi thâo, truh ră anai ƀon prong hơmâo brơi kơ rơbêh 3 klăk 700 rơbâo čô mơnuih laih anun mrô anai amra lu tui. Gơnong bruă pơsit truh lơ 15/10 amra ngă giong bruă brơi prăk djru tal 3.

Siu H’Mai: Pơblang